1.   Herwinningsprojek - herinnering

Ons wil begin met ‘n groot herwinningsprojek as fondsinsamelingspoging.  Maar ons wil graag ons gemeenskap betrek in die sin dat ons herwinningsmateriaal wil versamel sover as wat ons kan.  Om mee te begin, wil ons eers soveel as moontlik papier bymekaar kry.

Dit sluit in : koerante, tydskrifte, boeke, kantoorpapier, u kind se ou skryfboeke, ens.  U moet net vir ons help om alle krammetjies en plastiek te verwyder voordat u dit inhandig.  Ons dink dis nou ‘n goeie tyd om hiermee te begin omdat baie mense oor die Kersvakansie groot skoonmaaksessies aanpak!  Die dames wat aan die stuur van hierdie projek staan het hul huiswerk gedoen, ‘n volledige beplanning en voorlegging gedoen en dit lyk of dit haalbaar is.  Die projek sal later uitgebrei word na ander soorte materiaal, maar ons sal u weer later hieroor inlig.

U kan alreeds ou papier skool toe stuur.  Die versamelpunt sal vir eers die kelder, aan die linkerkant van die seunstrappe wees.  Ons vra u ondersteuning met hierdie projek omdat ons besef dit sal bietjie moeite verg.  Byvoorbaat baie dankie dat ons op u samewerking kan staatmaak.

2.   Groepfoto’s

Baie dankie vir u geduld met die foto’s.  Die groepfoto’s met die name by het gearriveer.  Dit sal van Maandag af by die registeronderwysers beskikbaar wees om afgehaal te word.

3.   Klerebank

Tye wat die klerebank oop is tot die einde van die jaar :

Tot Woensdag 9 Desember - Maandae, Woensdae en Vrydae : 09:00 - 13:30

Vrydag 11 Desember : 08:30 – 11:00

Ons vestig u aandag daarop dat geen klere meer op krediet geneem mag word nie.  Klere verkope sal voortaan op ‘n ‘betaal by ontvangs’ stelsel bedryf word.  Alle uitstaande skuld vir die klerebank moet asseblief teen 30 November 2009 vereffen wees.

Alle ou en voornemende leerders mag nou al (in 2009) klere aankoop vir 2010 – dit vergemaklik die druk op ons klerebank aan die begin van die nuwe jaar.

4.   Handboeke

Inhandiging van departementele boeke

Leerders moet asseblief departementele boeke as volg by hul registeronderwysers inhandig :

Gr 8 :      Vrydag 4 Desember : Wiskunde boeke, en alle ander departementele boeke wat nog uitstaande is.

Gr 9 :      Moes alreeds alle departementele boeke ingehandig het – stuur asseblief voor 4 Desember skool toe indien daar nog enige uitstaande is.

Gr 10 :   Alle boeke terug op 1 Desember – meer detail oor tydgleuwe sal aan leerders gegee word.

Gr 11 :   Alle boeke terug op 30 November  - meer detail oor tydgleuwe sal aan leerders gegee word.

Tweedehandse handboeke

Ons plaas vir ‘n laaste keer hierdie versoek van ‘n ouer met ‘n tweeling. Ons het nog geen reaksie gekry nie en sy soek nog steeds die volgende graad 10 boeke om tweedehands te koop :

-       English First additional language (2 boeke)

-       Fisiese wetenskap (1 boek)

-       Ingenieursgrafika en ontwerp (1 boek)

-       Geografie (2 boeke)

-       Lewensoriëntering (2 boeke)

-       Verbruikerstudie (1 boek)

-       Siviele Tegnologie (1 boek)

Indien u kan help, kan u mev D de Klerk by die skool skakel (022-482 1469).

5.   Leerderprestasies

Musiek

Pauline Hardcastle het haar UNISA graad 2 teorie-eksamen met ‘n uitstekende 94% geslaag.  Baie geluk, Pauline!  Doen so voort!

Skaak

Philanie du Toit is gister 26 November deur Boland aangewys as Sportvrou van die Jaar vir Hoërskole Skaak.  Sy het tydens dié glansgeleentheid in Stellenbosch se stadsaal ‘n medalje ontvang.  Dis die derde agtereenvolgende jaar dat sy hierdie toekenning kry.  Baie geluk, Philanie!  Ons is trots op jou!

HULP AAN HUIS VAN IMHOFF

Baie, baie dankie aan die ouers wat gereageer het op ons versoek vir hulp met gordyne.  Ons kon alreeds ‘n verskil maak en dit lyk pragtig.

Terwyl u die herwinning in gedagte het en besig is met skoonmaaksessies, wil ons ‘n verdere beroep op u doen om te kyk of u enige gordyne het wat u wil uitgooi. Mev Marlene Jooste by Huis van Imhoff is bereid om te knip en stik aan die opknapping indien nodig – selfs al is dit net een lengte – sy sal dit kan gebruik om ons seuns se kamers bietjie mooi te maak.  Enige kleur of materiaal sal doen, maar sy vra verkieslik nie pienk nie!  Baie dankie!

6.   Skoolfonds

Baie dankie vir die goeie reaksie en hulp wat ons van u kry rakende die inbetalings sonder verwysings.  Ons het egter nog u hulp nodig met onderstaande inbetalings wat in ons skool se rekening gedoen is wat ons nie aan leerders se rekeninge kan allokeer nie weens die verwysing wat onduidelik is.

03/04     “School fees”                                                                      R500

05/05     Kontant deposito Malmesbury                                       R1000

01/07     Kontant deposito Malmesbury                                       R500

30/07     Oorplasing vanaf kaart Sanbel                                       R555

22/09     Kontant deposito Trade R Ma                                        R1500

U is welkom om ook u kind se naam as ‘n verwysing te gebruik – ons het gevind dat dit soms makliker is.  Skakel asseblief vir mev P van der Westhuijzen by die skool indien u van bogenoemde inbetalings herken en tot hulp kan wees.

EKSAMENROOSTER VIR DIE VOLGENDE WEEK

Datum	Graad 8	Graad 9	Graad 10	Graad 11
30 November	Tegnologie	-	Geografie 2 / Lewenswetenskap 2	Wiskunde & Wisk Geletterdheid 2
1 Desember	-	-	Engels 2	Verbruikerstudie prakties
2 Desember	Sosiale wetenskappe	-	Besigheidstudies / Siviele Tegnologie	Geografie 2 / Lewenswetenskap 2
3 Desember	-	-	IT Teorie	Wiskunde 3
4 Desember	Wiskunde 2	-	Dramatiese kunste	Dramatiese kunste

WAT SKRYF ONS MATRIEKS?

30/11 : 09:00 – 11:30  Landbouwetenskap 1

14:00 – 16:30  Engels 3

01/12 : 09:00 – 11:30  Landbouwetenskap 2

02/12 : 09:00 – 12:00  Ingenieursgrafika en ontwerp 1

03/12 : 09:00 – 11:00  Wiskunde 3

04/12 : 09:00 – 12:00  Ingenieursgrafika en ontwerp 2

WEEKPROGRAM

Die aktiwiteite is nog steeds redelik beperk!

Maandag 30 November

Personeelvergadering 13:00

Dinsdag 1 Desember

Woensdag 2 Desember

Beheerliggaam Finansiële komitee vergader om 17:15

Donderdag 3 Desember

Vrydag 4 Desember

SKOOLFONDS VIR 2009

R 5 550,00 eenmalig

OF

R 555 x 10 maande

Hoërskool Swartland

ABSA Malmesbury

Tak 334-307

Rekeningnommer 0380 390124

Verwysing : Leerdernaam & rek. no.

Let wel : Die sluitingsdatum vir skoolfonds, koshuislosies en busgeld vir 2009 betalings is :  30 November 2009.

Baie dankie aan getroue Rockies wat volhard tot die einde toe!